Юртабоахама къахьегамхой ц1ай – Арен ди – дездеш меттиг хилар тахан юха а Г1алг1ай мехка.
Б1астен юхьанца кечъйича мо кечъяь а тхьовра денз ше хулаш ма хилар хоза а д1аяхача укх мероприяте юкъе дакъа лоацаш хилар Г1алг1ай Республика Мехка Да Евкуранаькъан Юнус-Бик а Г1алг1айчен Халкъа Гуллама Председатель Йовлой Заьлмаха а. Эшар вовза а дар-доацар фуд ха а таро луш дика болх ба региона АПК даьрий а де лерх1арий а демонстраци йола укх тайпа кхашкара балхаш д1адоладалар дездир.
Иштта, ший арг1ах, республика юрта боахам дег1абара наькъаш хьагойта в1ашт1ехьдаьлар Г1алг1айчен юртабоахама а кхачан а министерства а.
«Арен Ден» хетабаьча укх белха юкъе выставка-ярмарка а яр, тайп-тайпара техника а Г1алг1айчен а Къилбаседа Кавказа регионий а юрта боахама хьахулаш дар гойташ в1ашт1ехьяьккха. Шийна ловчо укхаза юртбоахама техника эца а кавказски шунче кечдеча даарех-маларех чам баккха а йиш яр.
Цул сов, мероприяти йистеяьнна яллалца республика культура Министерства хьалхаленца д1адехьа г1алг1ай эстрада артистий концерт а сацанзар укхаза. Иштта укхаза хилар спортивни яхьаш, кхыйола цхьацца сакъердама акцеш.
Халкъа Гуллама Спикера Йовлой Заьлмаха, укх т1еххьарча шерашка Г1алг1ай мехка юрта боахама тешшаме дег1ааха а бакъахьарча оаг1орахьа дика динамика гойта а в1аштехьадоал аьлар. «Инвестицешта чам хила а йолаш ше хила ма еззар йола отрасль я из тахан. Юртабоахама коопераце кхоаненах бола тешам мичара ба кхетаде хала дац, х1анзалца цхьацца бахьанашца теркадинза доа наьха хьинарца а лаьтта хьоналца а дараш цо теркал мишта ду хьоже», — аьлар Халкъа Гуллама Председатела юххера а.
Ц1ай дерзадеш котало яккхарашта, конкурса юкъе дакъа лаьцарашта, АПК дикаг1а болча болхлошта ахчан премеш, дипломаш, мегар могош йола призаш луш церемони хилар.
