Парламента спикера Йовлой Заьлмаха Паччахьалкхен Дума депутатаца Г1азгиренаькъан Юша1аца къамий метташ 1омадара болх ло1амерча хьал т1а хила беза яхар теркал а деш республика школашка

Опубликовано .

133231231

Тахан Парламента спикера Йовлой Заьлмаха Паччахьалкхен Дума депутатаца Г1азгиренаькъан Юша1аца къамий метташ 1омадара болх ло1амерча хьал т1а хила беза яхар теркал а деш республика школашка г1алг1ай метта кхоане йийцай. Парламента Председатела кабинете хиннача цу в1ашаг1кхетаре дакъалаьцар Шолжа района депутатий Совета Председатела 1умара наькъан Аслана а.
Госдуме къамий меттах йола законопроект ювцаш латталга ховш да. Цу т1а яхачох наьна метташ 1омадар дешархой а цар даьй-ноаной а болча безамца каьхата т1а язъяьча заявлене к1ийлен т1а хила деза. Законопроекта дувцар эрсий мотт хьехара а 1омабира а новкъарле еш доаца республикий паччахьалкхен метташ хьехара а 1омадара а ло1амера хьал да.
Г1алг1ай мехка, Россе кхыча субъекташка мо, из х1ама наха к1еззига 1аткъаш нийсданнад. Специалисташта хетачох, республика школашка г1алг1ай метта хьал ишта а дика дац. Спикера Йовлой Заьлмахана яхачох г1алг1ай мотт дег1аараха а из хьехара болх лакхабира а долча хаттарашта республика Парламента йоккха терко-м ю, шоашта укх юкъе дола цхьацца кхоачамбоацараш къувлалга депутаташ хьеха а даьд, цхьацца эксперташ а хьехархой а юкъеболаш д1акхехьача цхьацца в1ашаг1кхетарашка. «Республика школашка г1алг1ай мотт хьехара аьнна хьожаяь ха к1езигъяла яг1ац. Керттера дар, ювцаш йола поправкаш федеральни закона юкъе яхачул т1ехьа, эрсий бар мо Г1алг1ай Республике паччахьалкхен мотт болча г1алг1ай метта хьал воча оаг1ора хувца ца далар да», - аьлар Йовлой Заьлмаха.
Паччахьалкхен а мехка а декхар дар, вай берашта шоай мотт ховргбола а из 1омабергбола а хьал лоаттадир да, аьлар цо т1ехьара т1а.
Г1алг1айчен Парламента Председатела Йовлой Заьлмаха а Госдума депутата Г1азгиренаькъан Юша1а а даьш-ноанош шоай бераш г1алг1ай мотт 1омабира хьаькъе деш-дуташ дар, шоаш дер фуд ховш а шоай декхараш малаг1аш да ховш а де деза яха уйла ца1 хилар. «Ло1амца» яхар «сай мотт са 1омабе безам ба е бац» яхача к1ийлен т1а даха г1ерта дезац. Янданаькъан Джамалдий, Озанакъаьн Салмана, Пхьилекъонгий Махьмад-Са1ида, г1алг1ай литература кхыча классикий кхоллама мотт баха безаш а ба, къаман культура, цун ший юхь-сибат, цун овлаш наьна меттаца хилар берашта ха дезаш а да, йоах парламентареш.

2123323231131

3213123131

Символика

Gerb Ingushetii