Горчханаькъан Мувсас Паччахьалкхен Дума комитета заседане дакъа лаьцад

Опубликовано .

123321321

Май бетта 15 дийнахь ПД культура комитета арг1анара заседани хилар. Дакъа лаца т1абийхача хьаьшашта юкъе РФ Президента Администраце ц1ерах бола нах бар, РФ Культура Министерства ц1ерах бола нах бар, т1аккха иштта Г1алг1ай Республика Халкъа Гуллама паччахьалкхен лоаттама а законодательства а комитета председатель Горчханаькъан Мувса вар. Заседани д1аехьар Комитета председатела хьалхара заместитель Драпеко Елена яр.    

«Российски Федераце къамий культура т1ехьлен объектах» а «Паччахьалкхен а муниципальни а дари приватизаци ярах» а долча федеральни законашта хувцамаш юкъе хьолда яха Г1алг1ачен Парламента хьачуяйта законопроект яр заседане йийцар. Г1алг1ай парламентареш культура т1ехьлен объекташта приватизаци ярах а боал боацаш лелае уж д1ателарах а бола ший бе декхар долча маьжено беш бола соцам Федераце субъекта законодательни доала маьжен ло1амга ла а дог1аш хилийта йоах. Х1анз укх сахьата долаш дола закона боарамаш, уж лоарх1аме объекташ ший ло1амах йолча таьрга юкъе йолхе, кхоана паччахьалкхен а муниципальни а доала карара яла йиш хулийташ да, аьлар Паччахьалкхен Дума комитета заседане Горчханаькъан Мувсас.

Традиционни а культови а культурни техьлен объектий хьакъехьа дар-доацар хьедеча законодательстве дувцаш дола правовой кхоачамбоацар долаш хилар бакъдир заседане доакъашхош. Законаш хувца деза яхача Г1алг1ай мехкарча шоай коллегаш дувцар кхетадеш ба Паччахьалкхен Дума комитета доакъашхой. Г1алг1айчен Халкъа Гуллама кечъяь законопоект комитета соцамца хьалхарча дувцарах ювцаргйолаш Паччахьалкхен Дума ден повесткана юкъе яхийтай.

Г1алг1айчен Парламента спикера Йовлой Заьлмаха ц1ерах, шоай заседани г1алг1ай лоамашка д1а а хьоргйолаш республике дувла аьнна, хьоашалха бийхар ПД культура комитета доакъашхой Горчханаькъан Мувсас.

2132132131

321313131

Символика

Gerb Ingushetii