Паччахьалкхен Дума депутаташца в1ашаг1кхетар хилар Халкъа Гулламе Г1алг1айчен парламентарий

Опубликовано .

Паччахьалкхен Дума депутаташца в1ашаг1кхетар хилар Халкъа Гулламе Г1алг1айчен парламентарий.

Завальный Павел керте а волаш Паччахьалкхъен Дума энергетика Комитета йоккха делегаци кхаьчай Г1алг1ай мехка.

Балха тоабан юкъе ва – РФ Г1алг1айчен ц1ерах Паччахьалкхен Дума депутат вола Г1азгиренаькъан Юша1, энергетика комитета доакъашхо.

Халкъа Гуллама заседаний Зале Г1алг1айчен депутатий корпусаца в1ашаг1кхетар хилар делегаце.

Г1Р Халкъа Гуллама Председатела заместитала Кхоартой Якъуба Г1алг1ай Республика Халкъа Гуллама депутатий ц1ерах а Г1алг1айчен дуккхача къамий викалий ц1ерах а моаршал хаьттар хьаьшашка.

Республика топливно-энергетически комплексе этта хьал дар в1ашаг1кхетар дийцар.

Энергетика дег1аяра болх а энергоресурсех пайда эцача платежни дисциплина тояра болх а законодательни 1алашбир дар керттера а терко яьр.

Шинна а оаг1оно цхьана бу болх Г1алг1ачен Республика а Российски Парламента Лохерча палата а юкъера г1улакхаш тоадеш, дийцар д1ахаза а терко е а хург хиларга догдоахийташ ба аьлар Кхоартой Якъуба.

Делагаце програма юкъе да Мехка Даьца Евкуров Юнас-Бикаца РФ ФС Паччахьалкхен Дума энергетика Комитета председатела Завальный Павлаца протокольни в1ашаг1кхетар. Цул сов, Комитета докъашхой, Россе Президента Постпредства викалаш, правоохранительни органи а Минэнерго а викалаш юкъе а болаш Магасе Къилбаседа-Кавказа регионе энергетика дег1аяр а энергоресурсех пайда эцача платежни дисциплина тояр а законодательни 1алашдир дувцаш круглый стол д1ахьоргда.

Ала деза, круглый стол д1адахьара инициатива Г1алг1айчен ц1ерах волча РФ ФС Паччахьалкхен Дума депутата Г1азгиренаькъан Юша1а йолга.

12332213213123

213123233113

323213123112

Символика

Gerb Ingushetii