ГIалгIай Республика Халкъа Гуллама Председатела Йовлой Заьлмахас Параза-Мархий бутт чакхбаларца Бахархошка даь кхайкарал

Опубликовано .

Лерх1аме  бола  бусалба  нах,  хьамсара  вежарий,  йижарий!   

Тахан  вай  дездеш  да   миллионаш  болча   Ислама  ах1лошта   лоарх1аме  а  деза а дола  Параз-Марха  дастара  1ийд-аль  Фитр  ц1ай. Из  белгалдаккха  деза  беркате  шу  оттадарца  санна  дикача,  хозача  г1улакхашца.  Укх  бетта  чухь  вай  Лакха  хинна  волча  Далла  1ибадат  деш  хиннад.  Воай  иман  ч1оаг1деш  къахьийгад,  г1о  ийшарашта  новкъостал  де  хьежад.  Вай  г1аддугаш  да   машаре  йолча  республике  даха  аьттув  хилар,  Далла  1ибадат де,  хьаьнала  къахьега  а  дикаш совдаха  а   торо  хилар.

 Рамазан-бетта  марха  кхаьбарий  ду1аш  Дала  ше   къоабалдаь  д1аэцалда,  нах  къиноех  ц1ен  а  беш.  Х1ара  бусалба  сага  вахара  еза  маьхалаш   керттера  хийла,  цар  дикашка  кхача  г1ерташ  укх  бетта Сийдолча  Далла   1амалаш  еш  хьийга  къа  маьлехьа  а  хургдолаш.

Сона  лов беррига  а  бусалба  нах  дег чура  тешар,  цунца  нийса  дикашта  иразага  кхачар  а  совбалар  а.  Укх  дезача  ц1айно  х1ара  дезале  дахьалда ираз,  барт-цхьоаг1о, машар, безам,  лерх1ам.  Укх  Рамазан  беттачухь   вай   даь  1ибадат  лораде  а  совдаккха  а  аьттув  хилба!

Дала  марха  къоабала  долда   вай!  Хьийга  хало  маьлехьа  язйойла!  Дехка  а  даста а  ер  ди  шера  керте  маьрша  юхадоаг1алда  вайна!

DEekT9m

Символика

Gerb Ingushetii