Хьамсара мехкахой!
Чакхбаьлар Дала сийдолаш байта Параза мархий бутт.
Берригача бусалба наха из синош, дегIамаш, уйла-нигат ц1ендеш, тоадеш, вIаши гIо дара, камаьршал гойтара, вIаши къахетамеи лерхIамеи хилара ха я. Укх бIарччача бетта Даьлах тешаш болча наха къахьийгар динцара дикаш совдахара, хозача гIулакхаца болаш сакхетам лакхбара, маьл-йоал хургйола гIулакхаш кхоачашдара.
Мархаш дастара ер сийрда цIай дездеш, вайца массаза а хила деза эхь-эздел, къахетам, сабар. Укх бетта санна диканна, Iибадат дара сутара хила деза вай дIахо йодача хана а. Вайх хIаравар, къаьстта боккхагIбараш, бехктокхаме ба вай мехка юкъара долча гIулакха къахьега кийча хилара, кагирхошта дикача масалашца хьехам балара, харцваьннар соцавара, зIамагIбарашца а ийшарашца а къахетаме хилара.
ХIаьта кагирхошца хадданза хиланза яргьяц даьша вайна йита вахара еза маьхалаш: хьаьнала рузкъа лахар, боккхагIчар сий дар, даьй-ноаной лархIар, вIаши гIо дар, адамий эхь-эздел лорадар, моаршонна къахьегар.
Хьамсара мехкахой! Аз сай цIерах а Халкъа Гуллама депутатий цIерах а даькъала дувц шо мархаш дастара цIайца!
Укх мархий бетта вай мел яь Iамалаш, Iибадат Дала къоабалдаь дIаэцалда, маьлехьа яздолда вайна.
Дала марха къоабала долда, хьийга хало маьлехьа язъйойла, дехка а даста а шера керте маьрша хилда вай дерригаш а!
