Заседани дӏайолалуча хана массаза санна Парламента комитетий кулгалхоша дийцар шоай комитеташа баьча балхах.
Совета керттера дош дар Гӏалгӏай Республике гӏолларча чурча гӏулакхий министра 2017-ча шера полице баьча балхах ергйола отчет. Паччахьалкхе хьалъяреи законодательствеи хьакъехьарча комитета председатель волча Горчхананаькъан Муссас хоам бир комитете хьачуденначеи Парламента электронни почте хьатӏадайтачеи хаттарех. Гӏалгӏай Республике гӏолларча чурча гӏулакхий министра 2017-ча шера полице баьча балхах отчет ергхиларах бола хоам хьалххагӏе а дӏаоттабаьбар ӏаьдала законодадельни маьжен официальни элекстронни ресурсашка.
Цул совгӏа, парламентареша дийцар Халкъа Гуллама пленарни заседани кийчъярах а.
Заседане доакъашхоша хьоахадир 2017-ча шера Гӏалгӏай Республика Правительства баьча балха результатех йола региона Мехкадаь отчет кийчъяра дош а.
Халкъа Гуллама пленарни заседани Йовлой Заьлмаха хоам бир гулбеннарашка, Халкъа Гуллама пленарни заседани хургья Гӏалгӏай Республика Конституце Ди хьатӏадоагӏача хана, цудухьа цу заседане дакъа лоацаш Гӏалгӏай Республика Конституционни Суда Председатель вола Гаьгенаькъан Аюпи Кагирхой парламента доакъашхойи хила мегаш ба, аьнна.
Иштта спикера белгалдир республика бахархошта дагайоаллаш йола а ира латташ йола а массехк тема. Царех цаӏ я республика берий кагирхой спортивни ишколашкарча («ДЮСШ») методистий обращени, «ДЮСШ» когаметта хӏанз юкъара ишколаш («СШ») хьахиларца ювзаенна йола Тренераша йоах шоаш педагогашта нийсса ӏоовттабе.
Халкъа Гуллама Председатель волча Йовлой Заьлмаха из дош тахка аьнна декхар оттадир дешареи, культуреи дина организацешца бувзам лелабареи хьакъехьарча комитета председатель йолча Амриева Марема хьалхашка, кхыча регионашка цу хьакъехьа фу даьд а хьеже.
Бахача наха яхачунга ладувгӏар а, цар яхар кхоачашдира фу эш ший ханнахьа хьажар а, кхоачашдира ӏаьдала органашца цу хьакъехьа дагадовлар а чӏоагӏа лоархӏаме хилар белгалдир Йовлой Заьлмаха.
