К1ала кепаш ергйола завод болх бе йолаялийтай Г1алг1ай мехка

1232321111

Г1алг1ай Республике болх бе йолаянний к1ала кепаш ергйола завод.
Тахан 1ийран болх бе предприяти д1айолаялийта в1ашаг1кхийттача нахаца бар Къилбаседа Кавказа г1улакхий Министр Кузнецов Лев, Г1алг1ай Республика Мехкда Евкуранаькъан Юнус-Бик, Г1алг1айчен Халкъа Гуллама Председатель Евлой Заьлмаха.
Завод еш яьллар «РИАК» компани я. 1аьлий юртарча промышленни-инвестиционни к1аьд т1а я предприяти. Деррига а проект кхоачашъеш инвестировать даьр 436,7 миллион сом да.
Из завод хьайийлача 220 керда балха меттиг хургъя Г1алг1ай мехка. Паччахьалкхен стандарташца ч1оаг1ъяь эзара сов йола тайп-тайпара к1ала кепаш хьае йолалургъя предприяти. Парламента спикера Евлой Заьлмаха хетачох, цу тайпа йола предприятеш хьаелар региона экономика боккъонца йола сектор дег1аахар сихдеш да, цул сов бахача наьха хьашташ 1алашдира г1о деш а да.
«Предпринимателий г1онца керда балха меттигаш хьаю, цу х1аманца нах балха меттигашца 1алашбира х1ама дикка тоа ду», — йоах Евлой З.
Спикера яхачох, паччахьалкхе т1ехьа т1айоаг1ача хана а хургъяь цу тайпа йола лоарх1аме проекташ хьаллоацаш.

 23231242311

3223431212

422344124

52342121